In Ethiopia the practice of volunteerism is a core value in social relation.

ሚና እና ኃላፊነት

• በታካሚው መንገድ ላይ ያሉ ክፍተቶችን ማስተካከል
• ኢንፌክሽን እና አክቲቭ በሽታን መከላከል።
• ሰዎችን ማዕከል ያደረገ፣ ፍትሃዊ፣ ጥራት ያለው የTBL አገልግሎቶችን ማቅረብ።
• ደፋር ፖሊሲዎችን ማጎልበት እና የድጋፍ ስርዓቶችን ማጠናከር።
• የTBL ስትራቴጂካዊ መረጃን እና የምርምር ውጤቶችን ማምረትና መጠቀም

የፕሮግራም ምዕራፍ ፣ ፕሮጀክት እና ተነሳሽነት

የNCD መርሃ ግብር አጠቃላይ ግብ ጤናማ የአኗኗር ዘይቤዎችን በማስተዋወቅ፣ የተለመዱ የበሽታ መንስኤዎችን በመቀነስ እና የተቀናጀ ማስረጃን መሠረት ያደረገ፣ የፈጠራ እና ወጪ ቆጣቢ የህዝብ ጤና እና ክሊኒካዊ ጣልቃ ገብነትን በማቅረብ ተላላፊ ያልሆኑ በሽታዎችን ሸክም መቀነስ ነው።

የካርዲዮቫስኩላር በሽታዎች (CVD)፣ ሥር የሰደደ የመተንፈሻ አካላት በሽታዎች (CRD) ፣ ካንሰር ፣ የዓይን ጤና እና የስኳር በሽታ (DM) በሚኒስቴሩ ውስጥ እየተሰራባቸው ያሉ አራት ዋና የNCD ተነሳሽነቶች ናቸው።

ችላ የተባሉ የትሮፒካል በሽታዎች (NTDs) በዓለም ዙሪያ ከአንድ ቢሊዮን የሚበልጡ ሰዎች ላይ ከባድ ህመም የሚያስከትሉ የጥገኛ ህዋስና የባክቴሪያ በሽታዎች ስብስብ ናቸው። የኢትዮጵያ ጤና ጥበቃ ሚኒስቴር ለስምንት በሽታዎች የህዝብ ጤና ላይ ባላቸው ተፅእኖ መሰረት ቅድሚያ ሰጥቷል። እነዚህም ዓይን ማዝ(ትራኮማ) ፣ በአፈር የሚተላለፉ ሄልሚንትስ (STH) ፣ ሺስቶማሲያሲስ፣ ሊምፋቲክ ፊላሪያሲስ (LF) ፣ ኦንኮሴርካ(ኦንኮ) ፣ ድራንኩላ/ጊኒዎርም (GWD) ፣ ቁንጭር(ሌሽማንያሲስ) እና ፖዶኮኒኦሲስ ናቸው። የዓለም ጤና ድርጅት(WHO) ስኬቢስን እንደ አንድ NTD በቅርቡ እውቅና ሰቶታል።

ብሔራዊ የወባ ማስወገጃ ፕሮግራም(NMEP) በበሽታ መከላከልና ቁጥጥር ዳይሬክቶሬት ስር ከሚገኙት ፕሮግራሞች መካከል በአንዱ ሲሆን በኢትዮጵያ ከወባ ጋር ተዛማጅ የሆኑ ጣልቃ ገብነቶችን እና እንቅስቃሴዎችን የመንደፍ፣የማቀድ ፣ የመተግበር ፣ የመከታተል እና የመገምገም ኃላፊነት አለበት።

የ NMEP ሚናዎች እና ኃላፊነቶች

• የፀረ ወባ ጣልቃ ገብነቶችን መንደፍ ፣
• የቴክኒክ መመሪያዎች፣ ማኑዋሎች ፣ፕሮቶኮሎች ፣መደበኛ የአሰራር ሂደቶች፣ እና የፈንድ ፕሮፖዛሎችን ማዘጋጀት እንዲሁም የንዑስ-ብሄራዊ የፕሮግራም ክፍሎችንና የሠራተኞችን አቅም መገንባት።
• የፀረ ወባ መድሐኒቶችን እና የፀረ-ተባይ ውጤታማነት ከምርምር ተቋማት ጋር በመተባበር መከታተል
• የጣልቃ -ገብነት ተፅእኖን መለካት

ብሔራዊ የኤችአይቪ/ኤድስ ፕሮግራም በበሽታ መከላከል እና ቁጥጥር ዳይሬክቶሬት ስር ከሚገኙት ፕሮግራሞች አንዱ ሲሆን በኢትዮጵያ ውስጥ የኤችአይቪ እና የጉበት ቫይረስ ተዛማጅ ጣልቃ ገብነቶችንና እንቅስቃሴዎችን ዲዛይን የማድረግ፣ እቅድ የማውጣት፣ የመተግበር፣ የመከታተል እና የመገምገም ኃላፊነት አለበት።

ሚናዎች እና ኃላፊነቶች

• ጣልቃ ገብነቶችን መንደፍ ፣
• የቴክኒክ መመሪያዎችን ፣ ማኑዋሎችን ፣ ፕሮቶኮሎችን እና መደበኛ የአሰራር ሂደቶችን ማዘጋጀት እንዲሁም የንዑስ-ብሔራዊ የፕሮግራም ክፍሎችን እና የሠራተኞች አቅም መገንባት።
• ከEPHI ጋር በመተባበር የቫይረስ ብዛትን መከታተል፣ የ ARV መድኃኒቶች ውጤታማነት እና የጣልቃ ገብነት ተፅእኖን መለካት።

ፕሮግራሞች፣ ፕሮጄክቶች እና ተነሳሽነት

ፕሮግራሙ ለኤችአይቪ/ኤድስ እንዲሁም ለጉበት ቫይረስ ፕሮግራም የተለየ ብሔራዊ ስትራቴጂክ ዕቅድ አለው።